Well; when the king makes plump sir John a lord,
Then I'm resolv'd-never to keep my word.
First I'll begin with hostess Quickly: much
She 'gins to talk of ladyship and coach;
A body cannot owe 'm a little money,
But strait the jades must think of matrimony.
But yet a trick worth two of that I'll play her ;
Poor fool! nor love nor money will I pay her.
If in the street a civil dun should come;
Pray come to-morrow, and I'll be from home.
If in the hall a number should appear,
My lord's asleep, sir, in his elbow chair.
When tradesmen grow impatient for their due,
'Tis so long standing-never talk of't-'pshew!
I've good preferment in my eye for you.
For sempstress Doll, How doth Miss Prue? poor fool!
I'll pay for't, send her to the dancing school.
If I like pagan gods my shape could vary,
My guts should be a hogshead of Canary.
My bowels tapt should suckle thirsty man,
I'd feed my younkers like a pelican.
Say what you will, t'would be immortal glory;
'Tis jocund thinking, and I'll end my story.
But that my equipage I sadly lack,
To cry before me, Room there, pray bear back,
By your leave, pray make room for noble Jack.
ALMA Ceres, tua dona cano, tua dona canenti
Arride felix, teneram nec desere musam.
Cæcuba miretur Flaccus, dulcemve Falerni
Humorem laudans, veteres invitet amicos;
Et Bacchi madidus genialia pocula dicat:
Sunt nobis calices, nobis sunt, diva, poëtæ.
Tu vero (quæcunque tuum fert nomina mustum,
Seu quod equis aptum Eboracum, vel Cestria mittit,
Nobilis aut Rhedycina tuis quod præbet alumnis)
Tu mitis, tu blanda tuis cultoribus Anglis.
Te, Dea, quisque colit, duplicis tu muneris auctor
Diceris, et duplicem populus tibi solvit honorem.
In mediis qua surgit agris bene nota taberna,
Rusticus esuriens loculo depromit olenti
Hesternas cum cultro epulas, et pocula poscit;
Quæ simul ebiberit, rursus replenda ministro
Porrigit; hic operæ non vanæ, alacrisque laboris.
Præteriti fructus sumit, Divamque precatur,
Deficiat placidi ut nunquam bona copia musti.
Hic senior tubulum, locus est qua proximus igni,
Ore gerens, nec ventum hiemis nec frigora sentit:
Sed sedet, et semper memorans quam plurima gesta
Se puero, de peste aut de civilibus armis,
Usque bibit, Cereri longam debetque senectam.
Huc secum antiquam, quoties redit Hesperus, urnam
Fert anus, hinc potat morbosæ oblita senectæ,
Hinc alacris posita cura meditatur amores
Lascivos, et sese iterum putat esse puellam.
Hic madidi juvenes Hibernæ tempore noctis
Dant incompositos motus et carmina dicunt,
Aut lepide in muro pingunt carbone figuras:
Atque rogant Cererem, ut lætam concedere messem
Dignetur, Cereris jam jam turba ebria dono.
Sæpius huc, quoties campos et rura revisit,
Formosa cum nata et pingui conjuge tendit
Civis, et umbrosa salicis sub tegmine lento
Ampullam poscit; cui dum ferrum admovet ille
Flexile, quod secum tales fert semper in usus,
Evolat extemplo furiosum, et, qua data porta,
Spumosum erumpit vitreo de carcere mustum :
Haud venti, Laërtiada quos Eolus utre
Inclusos dederat, strepitu majore ruebant.
Callidus interea civis, ne provolet omne,
Imposito cohibet digito; fumosa liquoris
Vis tamen ascendit, seque ejaculatur in auras.
Tum facili dextra et cauta quam leniter arte
Admoto infundit calici; subsidere cœpit
Paulatim spuma, et proprium dat vappa colorem.
INEST SUA GRATIA PARVIS.
BELLATOR furit exiguis Pygmæus in armis,
Et tenui infestas cuspide figit aves.
Securum tamen hunc præstat contracta figura,
Seu sors adversa est, sive secunda favet.
It fama ad cælum, si victor ab hoste recedat ;
Si non, ad cælum fertur in ore gruis.
SIS QUOD VIS, DUMMODO SIS ALIQUID.
AGRICOLAM errantem fatuus qui decipit ignis,
Incertum lumen dat, subitoque fugit :
Nescio quid liceat te dicere, flamma jocosa,
Cum toties aliquid sis, totiesque nihil.
MAGNAS TERRITAT URBES RUMOR.
RUMOR Alexandrum cum detulit esse propinquum,
Finitimos implet terror ubique locos.
Exorant alii pacemque et fœdera; sponte
Summittunt alii subdita colla jugo.
Quam bene, Pellae, exuperas! nam cum tibi laurus
Dant famam, lauros dat tibi fama novas.
POTERIS TUTIOR ESSE DOMI.
DUM mater metuit virga ne verbera lædant,
Ipsa domi puerum servat, et ipsa docet.
Ipsa doce puerum, mater tam blandula, possit
Tutus ut esse domi, stultus et esse foris.
CARCERE clausa nigro dum flet Philomela, nefandum
Ingenio prodit, quod nequit ore, scelus.
Tereos incesti depingit callida crimen
Veste super, docta quam variavit acu.
Quid non posse putas fieri, dictante dolore?
Aut ubi non lingua est, si neque dextra tacet?
RESPUE QUOD NON ES.
CONVIVAS inter superos, Vulcane, ministrans
Nectareos haustus cur male fundis humi?
Te decet Ætneis potius sudare caminis,
Inter Cyclopas dum grave fervet opus.
Sint manibus fabricata tuis data tela Tonanti;
Sint Ganymedea pocula mixta manu.
|