Fegs! Jock, gin ye war here like me,
As I'm right clear ye waud be,
I coudna swear, that ye wad be
Mair honest than ye soud be.

Whan haun for nieve the haukies staun,

Wha live by dissipation,

I'm redd ye'd tine,

yer self

commaun,

At fleein' frae temptation,

To sin, this day.

Soon as the day gangs creepin' dark,
Night waukers gang their Trade to,
An' Whores an' Thieves begin the wark,
That they hae lang been bred to.
Ilk honest chield soud e'en tak' care,
An' on his guard be watchin,

For mony a trap, an' stamp, an' snare,
They hae their prey to catch in ;

Alas! this day.

If ane by chance be out at night,
Hauf fu', or ablins war, Sir;
An' fit to ken, by strength o' sight,
A lanthron frae a star, Sir. -

Just cry halloo the chairmen crouse,

Will rin in hauf a score sir:

"Toun here's ta road to Luckie's house,

I'll light you to ta toor, Sir,

This vera Night."

Frae dark close mou's the jinkers craw
"Ha!—will ye gie's a gill, Sir?"
Anither cries," Callan, how's a'?'
But dinna ye staun still, Sir.
Just keep the road, an' snoove awa',
An' ne'er leuk o'er yer shouther;
They are the warst sight e'er ye saw,
At kirk or market owther,

I'm sure, this day.

O! whan the tide o' youthfu' bluid,
Thro' a' yer heart-strings wallops,
Keep ay in douce an' sober mood,
Your spirit needs nae fillups.

Now seekin' nought but what may please,
Ilk passion reigns your master;

My sooth! it needs nae ither heeze

Το

gar

its fluid rin faster,

On ony day.

The day turns mirk, my menseless lay
'S now wisein' to the gloamin',
We'll leave auld Reekie for the day,
An' waird the Mornin' comin'.
Let sober fowks, wi' blyth, hale heart,
Snug lay them on their bowster,
Soun' be their sleep, they cheerlie start

By them wha court the browster

For swats, ilk night.

Now, whan o'er Calton Hill the sun
Comes glimm'rin like the twilight,
The wights, dispos'd for E'enin' fun,
Flee frac the scaud o' daylight.
The bizzie thrang now set adrift,
An' Trade wi' birr commences,
Fate to the eident haund o' thrift
The sweets o' toil dispenses,

To share, ilk day.

Ye sauls, whase complicated rent,

By carpin' care ay cloy't,

Coud never purchase sweet Content,

An' pleasure to enjoy't,

Envy the wight whase lowly sphere,
By carefu' toil's supportit,

Tho' Fortune mayna swall his gear,

His lot's mair to be courtit

Than your's this day.

Now, honest Reekie, fair ye weel,

I'm gaun a while to lea' ye;

As lang as ye gar sinners squeel,
May gude an' gear be wi' ye.
Lang may yer lads an' lasses braw,
Be wordy sic a mither;

Soud ye kick up, an' slip awa',
They'll scrimply find anither

As guid, this day.

SONG.

BLYTH ARE WE SET WI' ITHER.

Tune-Blyth, blyth an' merry was she.

BLYTH are we set wi' ither;

Fling Care ayont the moon :
Nae sae aft we meet thegither;
Wha wad think o' partin' sune?
Tho' snaw bend down the forest trees,
An' burn an' river cease to flow:

Tho' Nature's tide hae shor'd to freeze,

An' winter nithers a' below,

Now, roun' the ingle cheerly met,

We'll scog the blast an' dread nae harm,

Wi' jaws o' toddy, reekin' het,

We ll keep the genial current warm. The frien❜ly crack, the cheerfu' sang,

Shall cheat the happy hours awa', Gar pleasure reign the e'enin' lang, An' laugh at bitin' frost an' snaw. Blyth are we, &c.

The cares that cluster roun' the heart, An' gar the bosom stoun' wi pain, Shall get a fright afore we part,

Will gar them fear to come again. Then, fill about, my winsome chiels, The sparklin' glass will banish pine: Nae pain the happy bosom feels,

Sae free o' care as yours an' mine.

Blyth are we, &c.

智

V