Non rastris hominum, non ulli obnoxia curæ."
"Where wilds immeasurably spread
Seem lengthening as I go."
UNDIQUE gramineis tellus, mirabile visu,
Aggeribus congesta jacet, tollique videtur
Altius, et multâ cumulata tumescere mole :
Subjiciunt colles ingentia terga, priorque
1 Urgetur semper veniente urgetque priorem.
Talia cum gemitu rauco commota videres
Æquora, curvantesque sinum spiramine fluctus
In montis faciem, si quando insanior efflat
Eurus, et horrendo late perculsa fragore
Littora jam resonant, necnon et murmura silvis
Crebrescunt geminata: fremunt stridoribus auræ.
At semper tranquilla virenti tegmine circum
1 Ovid. Met. xv. 182.
"Urgeturque prior veniente urgetque priorem."
Culmina consurgunt distincta, et plurima cinctu
Vallis adest viridi: viridis tegit omnia vestis.
Hic agit igniferos supra Sol aureus orbes,
Dulciaque effundens radios mortalibus ægris
Munera largitur vitamque et gaudia vitæ.
Hic tamen ille hominum nullo constructa labore
Atria, non homini celebratam illuminat oram:
Nec varium facie reddit jubar amnis, et æstu
Frondibus obductæ nusquam caluere latebræ.
Nusquam silva viret: presso nec vomere fracta
Rura jacent late, late extenduntur inani
Gramine qui colles in collibus ordine longo
Apparent magis atque magis, cursuque volucres
Ætherio aspiceres raras per nubila ferri :
Innocuis lepores ludis bacchantur: at omnis
Conticuit circum regio, jamque opprimit aures
Vox non ulla hominum dubias, non ulla ferarum.
2 Quo magis in deserta sequor vestigia cursu
Lenta trahens, tanto cordi magis ingruit horror
Sollicito, gelidosque tremor magis occupat artus.
Felix ille quidem sedes cui præbet amœnas Ruris amica quies, nemorum quem protegit umbra, Quum Sol devictum premit insuperabilis annum ; Huic patienti operum semper justique laboris Innumeras effundit opes, nutritque beatum
Frugum magna parens. Fetu nemus omne gravescit, Omnis ager messes Cereri submittit: ubique
Copia repleto diffundit munera cornu.
Ast, inter dumos lateque silentia rura,
Nullos urbs quanquam densis vomit ædibus undâ
2 Like one that on a lonesome road
Doth walk in fear and dread, &c.
ANCIENT MARINER.
Perpetuâ, nullo strepit ingens murmure campus,
Turbine nec surgit deformi fumus, et atrâ
Sordidus obscurat caligine lumina solis;
Hic late deserta jacet sine limite tellus;
Difficiles surgunt agri, collesque maligni.
Hæc loca non gravidis passim Cerealia dona
Frugibus implevere: virent nullo arbore, nullam
Sufficiunt in solem altum pastoribus umbram.
At pecora ingentes pascuntur rara per agros,
Vixque suum repetunt stabulum, nova pascua cursu
Dum peragrant numerosa vago: pecorisque magistri
Apparent rari, durum genus. Aeris audent-
Dum procul in solis servant gregis agmina campis-
Alternas perferre vices, brumæque tenebras
Semper, et imperium solis rapidosque calores.
Nam simul ac glacialis hyems jam frigore terras
Strinxerit, Eois violentior Eurus ab oris
Incubuit sine more furens, cursuque tremendo
Præcipitat: circum surgunt fera murmura: at ille
Pervolat, et colles immani flamine verrit.
At vero Zephyris quum læta vocantibus æstas
Jam redit, æstivisque viret jam floribus annus,
Immensos hic torret agros sol igneus, et dum
Flammantes torquet radios de vertice summi
Etheris exustas sævus dominatur in herbas.
Hic quoque jam primâ nascentis origine mundi
Oceanum volvisse ferunt spumantia magno
Equora cum stridore: patent sine littore campi
Liquentes: nusquam apparet jam terra, sed unda
Cuncta simul confusa tegit, nebulæque madentes,
Imbribus effusis, magnum per inane feruntur.
Hos ipsos adeo colles in gurgite vastæ
Subjectos moli undarum per sæcula longa
Concrevisse ferunt, sensimque assumere formas.
Tempora quin etiam cursu fugere “ virumque
Ferrea progenies duris caput extulit arvis."
Hic inter sese colles videre Britannos
In ferrum ruere, et sævo contendere bello.
Sanguineas videre manus, supremaque mitti
Victorum frustra ad cælum suspiria: namque
Jam demens horrenda caput Discordia tollit
Undique, jam mediis dubius Mars stridit in agris.
Nec minus interea luctus tristesque rependi
Exsequias videre, simul per gramina læta
Deduci longo sollemnes ordine pompas.
Jam longis annixi hastis sua pectora plangunt
Gens effræna virum, queis corpora velat amictus
Barbarus insuetis distincta coloribus: ora
Deformat miseris dolor: assurgentibus omnem
Lamentis longe commiscent æthera circum
Membra ducis defleta: toro jacet ille superbo
Purpureæque super vestes, velamina nota,
Aurumque argentumque simul, fulgentiaque arma
Arma olim dilecta viro: jamque omnia tristi
Subjiciunt alte tumulo, tolluntque sepulchrum.
3 Stat mole antiquâ sedes saxisque columnæ Excisæ ordinibus variis-mirabile visuSustentant vacuas fastigia celsa per auras. Apparet domus interior, penetralia longa Apparent spatiosa rudis post limina templi. Molle solum decorant viridanti tegmine amœna Gramina, et in medio surgunt altaria campo. At jam turba ædem celebrat mirata, sacerdos Jam cultros niveæ votivo sanguine vaccæ Tinxit, et ante pedes animam profundit in auras Victima purpuream: tum supplex numina pacem Exorat metuenda, arisque imponit honores
|